日昇小食

营业中

休息中

呢間真係久仰大名啦。一場嚟到，當然要試佢個名物韭菜餅啦，但係望一望 menu，見到居然有芫茜餅😯，諗住即刻轉軚，可惜最後兩粒畀前面位姨姨買咗🥺，於是疊埋心水，繼續食韭菜餅。由於即叫即煎，所以都等咗差唔多十分鐘。拎上手，熱辣辣，勁大粒，好飽滿。等咗一陣，冇咁熱喇，就咬一啖，發現皮好薄，煎得香脆之餘又唔太油膩。餡料方面更值得一讚，韭菜勁多，入面仲夾雜咗啲豬肉，兩者嘅味道調得非常好，惹味之餘又唔太鹹，認真好食。講真，廿蚊三粒，絕對性價比高。