影片
更多
2025-07-08
318 浏览
今日同屋企人去咗荃灣海之戀商場搵食，試咗呢間叫YADLLIE PLATE嘅韓式餐廳，真心唔錯！環境闊落，坐得舒服，仲有啲韓風裝飾。半半炸雞（原味＋黃金蒜香）： 炸雞控必叫！可以揀「半半」口味，一次過試兩款。「原味」炸得好脆，咬落去啲肉仲好juicy，唔會乾爭爭；「黃金蒜香」就更加邪惡，蒜蓉醬超香濃，甜甜哋又帶啲蒜辣，食到舔舔脷！旁邊仲有啲酸蘿蔔解膩，細心加分。醬豬蹄：上枱已經聞到陣陣醬油香，豬蹄炆得超淋，入口即化！啲膠質黏嘴得嚟又唔會膩，包埋生菜同蒜片食，口感更加清爽。份量都幾大，兩、三個人食都夠。鮮蝦沙律：食咗咁多濃味嘢，叫返個沙律平衡下，蝦肉輕微煎過，香口而且爽口彈牙，沙律菜新鮮，加埋酸酸哋嘅醬汁，開胃又解膩，值得一試！ 海鹽焦糖沙冰／蜜瓜沙冰：兩杯沙冰都係驚喜位！「海鹽焦糖」鹹甜交織，飲落好順口，上面仲有層cream同焦糖醬，邪惡但停唔到口；「蜜瓜沙冰」就清新啲，蜜瓜味好天然，甜度剛好，飲完成個人都涼爽晒！
半半炸雞（原味＋黃金蒜香）：
炸雞控必叫！可以揀「半半」口味，一次過試兩款。「原味」炸得好脆，咬落去啲肉仲好juicy，唔會乾爭爭；「黃金蒜香」就更加邪惡，蒜蓉醬超香濃，甜甜哋又帶啲蒜辣，食到舔舔脷！旁邊仲有啲酸蘿蔔解膩，細心加分。
醬豬蹄：
上枱已經聞到陣陣醬油香，豬蹄炆得超淋，入口即化！啲膠質黏嘴得嚟又唔會膩，包埋生菜同蒜片食，口感更加清爽。份量都幾大，兩、三個人食都夠。
鮮蝦沙律：
食咗咁多濃味嘢，叫返個沙律平衡下，蝦肉輕微煎過，香口而且爽口彈牙，沙律菜新鮮，加埋酸酸哋嘅醬汁，開胃又解膩，值得一試！
海鹽焦糖沙冰／蜜瓜沙冰：
兩杯沙冰都係驚喜位！「海鹽焦糖」鹹甜交織，飲落好順口，上面仲有層cream同焦糖醬，邪惡但停唔到口；「蜜瓜沙冰」就清新啲，蜜瓜味好天然，甜度剛好，飲完成個人都涼爽晒！
张贴
