Terrace in seaside (海運大廈)

营业中

休息中

主打韓式cafe，簡約木系裝修，營造出舒適嘅文青氛圍。有別於傳統韓國餐廳，呢間餐廳走新派fusion韓國菜。半半炸雞可以一次過試晒兩款人氣口味。我地揀左「思考人生的甜辣炸雞」，甜辣醬調得啱啱好，辣度溫和，酸度適中。「讓人瘋狂的蜂蜜炸雞」琥珀色嘅蜜糖的外面，裡面係好juicy 嘅雞肉，外脆內嫩，多重口感得黎，又唔會覺得好膩。泡菜豬肉煎餅外層煎到金黃酥脆，內餡泡菜豬肉多到瀉出嚟，點埋特製酸辣醬更惹味 雞蛋多過飯的蛋飯卷真係成條都係雞蛋，蛋香好濃，滿滿都係金黃嘅雞蛋，視覺效果滿分 。「比初戀還要甜的蜜瓜窩夫」用新鮮蜜瓜製作，窩夫外脆內軟，配蜜瓜同新鮮果肉，清甜唔膩 圓碌碌蜜瓜沙冰好靚，沙冰打得好綿密，仲有一粒粒蜜瓜果肉食。6月份仲有「Green Monday, Melon’s on!」活動，逢星期一點蜜瓜系列，即送一杯初夏青柑柚子梳打飲完唔會手指指餅咖啡，飲落有豐富層次，記得要攪勻飲，甜中帶少少咖啡酸味，好好味。