影片
更多
2022-11-01
51 浏览
炸雞迷召集！早排去咗李家食韓式炸雞，依然keep住水準，好好味呀！ ☺️今次去咗大角咀分店，餐廳座位唔算多，不過卡位好闊落，坐得好舒服，而且店員好有禮貌。一邊聽住K-POP，一邊食韓式炸雞確實好有feel呀！ 😊落單後會送上兩小碟前菜，有椰菜沙律同醃蘿蔔，醃蘿蔔酸酸甜甜，用嚟配炸雞解膩啱哂！ 😋無骨蜂蜜蒜蓉炸雞 - 半半自選（$118）最鐘意可以半半自選，一次過食到兩種味道！半份炸雞大概有7～8件，必需要讚佢地嘅雞件好嫩滑好juicy! 炸漿薄薄一層，勁脆身，亦唔會覺得好油，而個蜂蜜蒜蓉醬汁甜度適中，入面仲有蒜蓉同原粒蒜頭，增加香味，醬汁仲多到確保每件雞都會沾到，真係好好食好惹味。😉👍 有骨粟米炸雞 - 半半自選 （$118）粟米炸雞係新口味，除咗有炸粟米之外，仲用咗粟米片裝飾，而炸雞亦沾上咸咸甜甜嘅粟米粉，有啲似粟米濃湯脆脆嘅味道，成件事好有粟米嘅畫面。🤣 無論粟米定炸雞都好鮮甜多汁，nice! 韓式海鮮湯 （$198）好喜歡呢個海鮮湯，好有驚喜！勁足料，海鮮入面有蟹、蝦兩大隻、魷魚、青口，加上有海量洋蔥同椰菜，仲有啲飯粒，非常豐富，味道帶少少辣，好好味呀！冬天食呢個一定好暖身呀!👍❤️
今次去咗大角咀分店，餐廳座位唔算多，不過卡位好闊落，坐得好舒服，而且店員好有禮貌。一邊聽住K-POP，一邊食韓式炸雞確實好有feel呀！ 😊
落單後會送上兩小碟前菜，有椰菜沙律同醃蘿蔔，醃蘿蔔酸酸甜甜，用嚟配炸雞解膩啱哂！ 😋
無骨蜂蜜蒜蓉炸雞 - 半半自選（$118）
最鐘意可以半半自選，一次過食到兩種味道！半份炸雞大概有7～8件，必需要讚佢地嘅雞件好嫩滑好juicy! 炸漿薄薄一層，勁脆身，亦唔會覺得好油，而個蜂蜜蒜蓉醬汁甜度適中，入面仲有蒜蓉同原粒蒜頭，增加香味，醬汁仲多到確保每件雞都會沾到，真係好好食好惹味。😉👍
有骨粟米炸雞 - 半半自選 （$118）
粟米炸雞係新口味，除咗有炸粟米之外，仲用咗粟米片裝飾，而炸雞亦沾上咸咸甜甜嘅粟米粉，有啲似粟米濃湯脆脆嘅味道，成件事好有粟米嘅畫面。🤣 無論粟米定炸雞都好鮮甜多汁，nice!
韓式海鮮湯 （$198）
好喜歡呢個海鮮湯，好有驚喜！勁足料，海鮮入面有蟹、蝦兩大隻、魷魚、青口，加上有海量洋蔥同椰菜，仲有啲飯粒，非常豐富，味道帶少少辣，好好味呀！冬天食呢個一定好暖身呀!👍❤️
Non Alcoholic Beerita （$78）
食炸雞點當然要配番支啤酒啦！呢度飲品選擇都幾多，最貼心係有無酒精啤酒，呢款飲落同啤酒好似，加上西柚味甜甜地，送炸雞好一流呀！
每次食完李家嘅韓式炸雞都覺得好好味，好滿足，下次再去想試下其他味道炸雞呀！🥰🥰
张贴
