夜首爾

营业中

休息中

夜首爾

今次小編就嚟到夜首爾，呢間餐廳聽老闆介紹係兩位韓國人主理，因為係香港生活左好耐，想將最道地嘅韓國風味帶嚟香港。小編其實係TST路過呢間餐廳好鬼多次，餐廳外型已經相當之韓味濃，店面門牌號更仿照了首爾街頭的門牌去打造。試埋佢哋嘅嘢食之後，就已經馬上出post推薦俾大家去試試佢。
佢哋提供好多款唔同嘅韓國菜，好似泡菜、橡子凍、醬燒茄子、甜蕃薯同銀魚仔等等👍🏻小編真係夠薑掛擔保話佢哋嘅每款小菜都相當之有心思！

醬油蟹
呢道菜基本上係小編去每一間韓國餐廳都會試，佢哋嘅醬油蟹基本上同我係韓國食無分別，甚至更加好味因為好鮮甜，入口鮮而不腥。極力建議大家order一碗白飯一齊食好好味！

五花腩
佢哋嘅份量真係CP值好鬼高，3份厚切嘅五花腩，小編真係覺得4個人夠食！強烈建議可以煎耐小小令到表皮更加脆從而增加口感

豬肉石頭鍋飯
小編係韓國市場食過石頭鍋飯，係香港一直搵唔返個種滋味，事隔多年終於係呢間舖頭搵返！大家食之前記得將隻蛋整爛一齊食

雪濃湯
佢哋嘅雪濃湯真係啖啖濃郁嘅牛肉精華，而且小編真係覺得佢哋將隻牛嘅膠質都熬出嚟，飲完個嘴唇係有小小黏住好鬼正！