夜首爾

营业中

休息中

之前同朋友傾開計講到尖沙咀有間韓國人主理嘅韓國料理好正宗，今晚有機會一探究竟，食店名叫夜首爾韓國料理，位於寶勒巷，招牌發光好吸睛，店內裝修簡潔整齊，排列寬敞坐得舒服。食物方面的確有好多選擇，有韓式燒烤，火鍋及各式各樣韓國料理。點了幾款食物後，店員第一時間係送上前菜，的確好有驚喜，足足八個前菜，八款都各有特式絕不馬虎，前菜好食已經感覺良好。煎蝦餅，原隻大蝦去殼開邊包粉醬煎，外層有蛋香，大蝦有鮮蝦味道，爽口彈牙。牛肉炒年糕，牛肉大大塊好腍入味鬆軟，醬汁濃郁，年糕有咬口煙煙靭靭，個汁好好味。香辣燉牛排骨，有厚切牛排骨，紅蘿蔔，白蘿蔔，冬菇，紅棗燉煮。呢款菜好香辣，牛排骨好入味，牛肉味濃好惹味。