新羅寶韓國餐廳

营业中

休息中

辛苦搵嚟志在食，今日真係有需要食好啲，所以要去尖沙咀食飯，好少食韓國菜，今日就嚟到新羅寶試吓，超多人排隊，坐滿晒全場。前菜拼盤前菜總共有五碟，一款係厚身酸辣醃菜，一款就係泡菜。醃菜味道好強，即時打開你味蕾，我都係食返正常味道薄薄地泡菜就好。涼拌芽菜菠菜，芽菜爽口，菠菜淋口。涼拌翠玉瓜清甜。辣燴海鮮年糕$155好足料，勁多蝦蟹，蟹殼超軟容易食🦀️入味程度高，多汁鮮甜，酸甜調味食不停。高推必食。炒年糕$108年糕口感煙靱，辣汁橙紅觀感猛辣，味蕾上微辣，應該屬不嗜辣者都可以承受嘅辣度。各種配菜爽口，同年糕形成對比，一口清爽一口粘，豬肉片條鬆軟，好入味。唯一要注意係年糕菜式比較飽肚，要注意人數同食量。人蔘雞湯$220湯清甜滋潤，蜜棗嘅甜同雞嘅香都滲入湯裏面，加上人蔘味恰到好處，唔會有過於濃烈藥材味但又不失藥膳嘅風味。飯好似粥咁一樣綿，雞肉用湯匙就可以輕易拆成絲，肉質軟滑，唯獨雞骨未能熬至可咬碎嘅程度。整體新羅寶嘅人蔘雞係走偏清淡路線，淡淡清香，適合想品嘗藥膳但又暫時未適應到味太濃烈嘅朋友。