Burger Lab

营业中

休息中

今晚又得返自己一個開餐，向油麻地附近睇完figure 就慢慢行去佐敦搵野食。四周圍行行下發現咗一間新開burger 店，好似都幾吸引，一於入去試下。店內空間不算大，全部用上高身枱椅，裝修乾淨企理。Menu 選擇都算多，而且仲有啲特別款式，我就當然揀返個重量級雙層牛堡自私食啦！【特級牛肉漢堡】+$22 有套餐，包薯條，飲品Burger份量真係非常十足，有雙層勁厚美國特選漢堡排、水煮蛋、美式芝士、蕃茄、生菜等等，美式芝士軟滑香濃，反而水煮蛋唔算太過流心，但口感軟綿，底層生菜爽脆新鮮再加上秘製BBQ source ，好香濃又好好食呀。套餐係仲可跟粗身薯條或番薯薯條，每次都新鮮即叫即炸，香脆可口。估唔到佐敦都有間水準咁高嘅舖頭，仲要好細心會比隻手套揸住食，下次要同埋老婆過黎試下先。有時真係開夜開到不知時候，到放工都已經八點幾了。