小火焰韓式咖啡廳 (樂富廣場A區) (已結業)

低仿韓國菜，石頭鍋唔夠熱，讕係聰明咁樣將生雞蛋放喺生牛肉上面，牛肉根本無辦法煮熟（仲要冇醃過非常之腥）。米飯冇米香，其他配菜味道撞到唔係人，同枱一個淮山麵擺明係公仔麵，上枱已經係泡嘅，仲要配蕃茄勁酸味湯底，懶得煎香左嘅雞翼浸喺湯入邊浸到林晒。醃雞翼本來仲有少少期望，後來發覺連入邊嘅蘑菇都係罐頭蘑菇，好心用杏鮑菇啦，切碎放入雞翼唔係咁都唔識掛，刀功都搞唔掂有冇搞錯。菜式創作根本思維有問題，連基礎技巧都搞唔掂超級難食，不切實際仲要收得勁貴！太失望了！