新記雞粥 (鴻禧大廈) (已結業)

眾所週知，新記出名食粥，但今日我就試下佢嘅粉麵，都係抱住平常心去食，唔會太大期望，始終佢出名嘅係粥。今餐點左XO醬叉燒炒蛋飯，蜆介鯪魚球同魚蛋粉。XO醬叉燒炒蛋飯好食，但其實呢個組合都好難煮得難食。炸蜆介鯪魚球好食，但有樣嘢可以改善，就係每一粒size 太大，可以稍為細少少，食落去會好啲。最後係個魚蛋粉，我好耐無食過呢種無味而且完全唔彈牙好硬嘅潮州魚蛋，呢個價錢喺好多潮州粉麵店可以食到碗好好食嘅魚蛋粉。另外，建議餐廳賣埋coke zero, 佢得正常可樂，少左選擇。