四寶食堂 (已結業)

早幾日同老公出旺角行街，咁行街前緊係要醫飽個肚先有力行；行行下被這個招牌顏色吸引住，因為係我最鍾意既 Tiffany Bule, 所以就決定入去醫肚；裡面裝修大部份都以這藍色為主，左邊仲有一幅大花海牆，好柔和令人感覺好舒服；餐具係玫瑰金色，好靚好典雅。我地叫左招牌推介 ~~ 經典叉燒滑蛋飯+凍奶茶；經典常餐 ~~ 招牌沙嗲牛肉公仔麵+嫩滑炒蛋+丹麥牛油厚多士+熱奶茶。經典叉燒滑蛋飯： 夠大碟又足料，叉燒滑蛋遮蓋晒 d 飯，瘦叉燒有咬口唔韌，滑蛋加埋葱粒一齊炒，炒得好嫩滑，本身唔食葱既我都覺得好好味，撈埋鼓油一齊食仲惹味。招牌沙嗲牛肉公仔麵：沙嗲汁好香濃沙嗲同帶有花生味，牛肉好淋無鬆肉粉味；麵軟硬適中。嫩滑炒蛋： 炒得好幼滑，好有蛋香，好好味。丹麥牛油多士：牛油溶左滲晒入包裡面好香，好鬆軟，有驚喜，好味呀！奶茶： 香滑茶味濃整體食物有水準，大件夾抵食😋