海鮮島海鮮酒家

营业中

休息中

今日好好天氣，陽光普照，大女提議出外食海鮮，本來諗住去西貢，但最後決定去布袋澳。呢個決定發覺係冇錯，因為我哋午飯後再去咗西貢，雖然今日係星期一，但係西貢海鮮街人山人海，完全冇一種休閒嘅感覺。呢間海鮮島，我哋之前已經嚟過幾次。室內室外都坐過。今日天氣咁好，梗係坐喺室外海邊座位，吹下海風，曬吓太陽。沿山路望向布袋澳漁村，藍天碧海，風景如畫。海鮮島的室外座位我哋揸車到布袋澳，車可直接駛上去翡翠別墅，係呢度食飯，可免費泊車，行落去1分鐘便到酒家，好方便。我哋今次叫了一個休閒4人餐。白灼蝦份量不多，但係隻隻都好新鮮彈牙。漁翁蜆王湯：有兩三款蜆，但魚味唔夠，唔合格。椒鹽鮮魷：普普通通，炸粉好薄，但啲魷魚都好薄身，唔係平時食開厚身切花嗰啲魷魚，質素麻麻地。乾燒伊麵：呢個幾好味，炒得乾身唔太油又入味蒜蓉粉絲蒸扇貝：扇貝新鮮，都算大隻厚身，蒸得火候啱啱好。整體叫套餐的食物一般，但景觀環境一流。最後連加一連茶芥$898，渡過左一個休閒嘅下午。