營足四季

营业中

休息中

期待左好耐既晚餐，觀塘工廈區~營足四季~，好喜歡佢既露營營地🏕設計。餐廳寛敞，枱枱櫈櫈都係露營裝備，連露營車都有，坐得舒服，係度食飯真係好Relax。鐵板香茅鹽焗蝦🦐，一撕開錫紙，香茅既味道湧哂出黎，彈牙既大蝦吸哂香茅味道。👍生焗泰式叉燒，叉燒幾大條，Juicy 入味，配左兩款汁，一款酸辣汁，我就更鐘意另一款甜甜地既。夏威夷菠蘿沙拉美腸薄餅🍕，餅底又薄又脆，即叫即整，熱辣辣上枱，仲有拉絲效果。清甜蘋果🍎沙冰，透心涼。嘆埋個甜品，法式紅莓芝士🧀蛋糕，好滿足呢。呢度啲野食好好味呀。