雲桂香米線專門店

营业中

休息中

今日好懶，唔想用腦，又想食米線，就黎呢間位於銅鑼灣駱克道嘅雲桂香米線專門店，位置都算方便。雲桂香餐牌簡單但自由度高，你可以揀麵（米線，紅薯粉或者水晶粉），配料，辣度（由唔辣到勁辣），可以走酸菜，又可以要求湯底淡d或者鹹d，麵爽d或者軟d。當然亦有set好左既碗麵唔洗傷腦筋。餐牌都有小食同飲品order。今日叫左一直想試既黃花魚米線，加配左兩樣配料同一支飲品。黃花魚米線 $65 黃花魚米線只可以配清湯，想食酸辣既朋友要叫其他。米線（同埋三塊豆卜，津白，芫茜同蔥）同黃花魚係分開上。清湯奶白，有魚鮮味，略帶胡椒香辛味。黃花魚一炸起即刻上枱，魚肉滑，基本上可以連小骨一齊食。日本鱈魚豆腐 $15加錢要左日本鱈魚豆腐 ，日本鱈魚豆腐係星形，都係炸既，質感似硬豆腐，味道比較似魚蛋。 豬軟骨 $9另外加錢要左豬軟骨，豬軟骨比較濃味，份量好多！豆漿  另加$8加配左支裝豆漿解渴。食完炸嘢，飲支豆漿解熱氣真係唔錯！