永年士多 (兆安廣場)

营业中

休息中

天氣凍咗想食下暖嘢，於是去搵車仔麵食，响度叫咗一個三餸麵加菜，真心，配料都只會只係一般急凍丸類，唔應該有期望係自家製好好味之類，望就望佢有特別嘅湯底。但係個味精湯底好寡好淡味，麻辣醬係死辣，味道冇層次，又冇比䓤去伴，食完只係果腹，毫冇滿足感⋯隔離枱食完半個鐘冇大執，張枱係有汁，冇嘅，一路食一路望住人哋食剩嘅嘢啫，真係好唔衞生⋯仲要櫃位阿姐冇人時㩒手機，眼尾都唔望下你，去叫餸時就呼呼喝喝，冇咩禮貌，更加感受到不爽⋯$45係食銅鑼灣租金，完。