影片
更多
2015-09-01
16216 浏览
同好多呢度既朋友一樣，我都係俾果個「全城最紅」既credit card六折優惠吸引左所以訂枱。話晒都係原價六百幾蚊一位既自助餐，一心諗住五星級酒店應該冇死喇啦，點知先係惡夢既開始……星期日七點幾鐘去到，餐廳都只係七成滿左右。雖然係咁，枱同枱之間居然迫得好緊要，我被安排坐喺玻璃窗既一排，同後面果張枱既距離係幾乎一拉櫈出去攞野食就會撞到對方，重迫過果D連鎖式既茶記！食物方面就真係不敢恭維喇。一心諗住原價六百幾蚊既貨色實有生蠔啦，點知係「冇」既。青口、龍蝦仔、凍蟹方面份量就真係好足喇，但口感真係非常之一般，入口既時候好似「白焯」咁一D味都冇！魚生方面就不過不失啦！基本既野好似三文魚、吞拿魚呢D都有，勉強可以接受。但熱盆方面真係差左D，除左D燒牛肉、羊架之類之外，其他都係D好基本既大路野，乜野炒飯呀、車仔麵呀咁。呢D offer 如果喺3-4星酒店都叫做可以接受，但以一間金鐘咁頂級既酒店黎講你俾D咁既貨色我真係幾過份。Outdoor既BBQ總類選擇唔多，都係D德國腸呀，雞中翼呀、羊架呀之類，雖然味道方面都可以接受，但坦白講佢D雞翼既size真係重細過燒烤場果D！甜品方面唔算太多，基本野都有但總
星期日七點幾鐘去到，餐廳都只係七成滿左右。雖然係咁，枱同枱之間居然迫得好緊要，我被安排坐喺玻璃窗既一排，同後面果張枱既距離係幾乎一拉櫈出去攞野食就會撞到對方，重迫過果D連鎖式既茶記！
食物方面就真係不敢恭維喇。一心諗住原價六百幾蚊既貨色實有生蠔啦，點知係「冇」既。青口、龍蝦仔、凍蟹方面份量就真係好足喇，但口感真係非常之一般，入口既時候好似「白焯」咁一D味都冇！
魚生方面就不過不失啦！基本既野好似三文魚、吞拿魚呢D都有，勉強可以接受。但熱盆方面真係差左D，除左D燒牛肉、羊架之類之外，其他都係D好基本既大路野，乜野炒飯呀、車仔麵呀咁。呢D offer 如果喺3-4星酒店都叫做可以接受，但以一間金鐘咁頂級既酒店黎講你俾D咁既貨色我真係幾過份。
Outdoor既BBQ總類選擇唔多，都係D德國腸呀，雞中翼呀、羊架呀之類，雖然味道方面都可以接受，但坦白講佢D雞翼既size真係重細過燒烤場果D！
甜品方面唔算太多，基本野都有但總類都係果句 - 唔算太多。唯一既亮點係炒雪糕，無諗過一間連生蠔都費事俾你既酒店居然有專人服侍炒Movenpick雪糕。呢個item算係幫佢攞返唔少分。
總括黎講-期望越大、失望越大。一心諗住黎五星級酒店食自助餐，但無諗到呢個原價六百幾蚊一位（星期日晚飯既價錢）既buffet夠膽死俾D咁既食物D客人。自問自己由金鐘至尖沙咀既自助餐都差唔多食過晒，真係好難搵到一間既食物總類同質素可以咁樣。如果唔係above average既服務質素，我真係會struggle 要俾個喊臉佢！
张贴
