十二味熱辣火鍋莊

营业中

休息中

好耐未食過酸菜魚啦，今日喺個客度做完嘢見到附近有呢間食川菜嘅餐廳好似幾有大陸風味咁，心諗咁樣嘅川菜應該比較正宗啦，所以就決定去試吓。我哋兩個人嗌左一個酸菜魚，佢個湯上嚟比較黃，飲落都算甜，我哋嗌左中辣，食完個嘴都會麻麻哋，好過癮，最重要嘅係冇味精。而佢啲魚都算滑嘅，都幾大塊㗎。除咗酸菜之外，入邊仲有酸蘿蔔，雞髀菇，同埋我最喜愛嘅萵筍。另外我哋仲帶咗個泡椒牛肉，今次呢個就揀咗小辣，味道啱啱好。佢啲牛肉真係好滑㗎，一啲都唔韌，醃得夠入味。而且同樣地都有我最喜愛嘅萵筍，而佢個汁亦都入晒味咁，食到舔舔脷。嘢飲我哋就嗌左一杯青檸百香果梳打，不過味道就比較淡，唔夠甜，但係佢就勝在真係好大杯。