影片
更多
2022-06-12
235 浏览
隨著疫情放緩,堂食禁令放寬, 又係約埋三五知己去餐廳聚舊嘅好時機。餐廳位於荃灣區, 店名取自納蘭性德嘅詩句,人生如若初見,文青感十足。當晚天氣不穩定,暴雨傾盆, 堂食顧客得小貓三兩隻, 環境清幽寧靜, 比平時門庭若市門外長龍嘅景象 截然不同,頓時有另一番感受。我哋叫咗兩個餐, 分別係一個鍋物同一個意大利飯。鍋物方面,我哋叫咗個季節海鮮鍋,湯底係龍蝦湯, 近鍋物配埋白飯。龍蝦龍蝦湯底鮮甜好味，唔會太咸，海鮮嘅份量合理，有蜆肉，青口，蝦仁，鮮蝦，三文魚同埋大蜆。 海鮮尚算十分新鮮。另外我哋亦追加咗一客烏冬, 只係追加多12蚊相當超值, 追加嘅烏冬品種係讚岐烏冬。讚岐烏冬麵條呈正方形，口感較煙韌彈牙, 麵條索曬啲海鮮同龍蝦湯,味道相當開胃及惹味。喺意大利飯方面,我哋叫左北海道帶子黑松露意大利飯, 北海道帶子十分清甜可口,而且相當大粒,配以上等嘅黑松露點綴, 為意大利飯增色不少, 美中不足嘅係正宗的意大利燉飯通常為只有八成熟的夾生飯，這種口感與亞洲人習慣的熟爛米飯不同, 唔係好食得慣!
餐廳位於荃灣區, 店名取自納蘭性德嘅詩句,人生如若初見,文青感十足。
當晚天氣不穩定,暴雨傾盆, 堂食顧客得小貓三兩隻, 環境清幽寧靜, 比平時門庭若市門外長龍嘅景象 截然不同,頓時有另一番感受。
我哋叫咗兩個餐, 分別係一個鍋物同一個意大利飯。
鍋物方面,我哋叫咗個季節海鮮鍋,湯底係龍蝦湯, 近鍋物配埋白飯。
龍蝦龍蝦湯底鮮甜好味，唔會太咸，海鮮嘅份量合理，有蜆肉，青口，蝦仁，鮮蝦，三文魚同埋大蜆。 海鮮尚算十分新鮮。
另外我哋亦追加咗一客烏冬, 只係追加多12蚊相當超值, 追加嘅烏冬品種係讚岐烏冬。讚岐烏冬麵條呈正方形，口感較煙韌彈牙, 麵條索曬啲海鮮同龍蝦湯,味道相當開胃及惹味。
喺意大利飯方面,我哋叫左北海道帶子黑松露意大利飯, 北海道帶子十分清甜可口,而且相當大粒,配以上等嘅黑松露點綴, 為意大利飯增色不少, 美中不足嘅係正宗的意大利燉飯通常為只有八成熟的夾生飯，這種口感與亞洲人習慣的熟爛米飯不同, 唔係好食得慣!
张贴
