東海堂 (Lab Concept 金鐘廊)

营业中

休息中

週日與家人共聚天倫，午後於中環購物完畢，行經金鐘「東海堂」，見到廣告牌正在推廣緊北海道3.6牛乳蛋白撻，單售$8唔算貴，所以就決定喺度買下午茶返屋企食 。喺櫃面上見到沙冰新地o既廣告紙牌，結果當然係忍唔住叫咗杯黎飲啦 ！「雜莓沙冰新地」好夠冰凍，令炎炎夏日變得涼快。見細佬手持大袋細盒，臨行前收銀姐姐仲喺杯上加圍一張紙巾 ，認真細心，$36淨買服務都抵返哂！個人覺得沙冰新地雜莓o既酸味過火咗少少，溝埋面層o既忌廉一齊飲都未能產生中和作用 ，下次唔洗諗一定會揀返「濃厚宇治抹茶沙冰新地」。北海道3.6牛乳蛋白撻即買即入盒。返到屋企先食o既曲奇撻皮都仲好香脆，用上北海道3.6牛乳炮製o既撻餡又夠香滑輕巧，大肥爸爸都話唔錯 。