Jo Jo Indian Cuisine

营业中

休息中

天氣咁凍，就想食啲辣嘢，今次就嚟到銅鑼灣嘅一間樓上印度餐廳試吓。呢度裝修幾有特色，店員服務態度都好好，好熱情❤️‍🔥每台都會附送一個小食，係新鮮炸起既薄脆片，唔同嘅醬汁可以點嚟食，佢哋嘅薄荷汁好香，食完好開胃🤙🏻之後前菜試咗佢哋嘅Pani-Puri，一個脆嘅波波入邊有啲薯粒，再加佢哋獨特嘅芒果汁一啖放入口，酸酸甜甜好好食🤣另外都試咗佢哋嘅乳酪，係薄荷味嘅乳酪，入面有啲果仁粒，都係一個開胃嘅前菜😝燒烤就試咗佢哋嘅拼盤，有烤雞、黑椒雞、肉腸同埋羊扒，每款都好濃味，佢哋嘅烤雞唔會好嚡，都幾有肉汁，而羊扒騷得嚟好濃羊味，加埋啲印度香料，好惹味😋咖哩簡單食佐個芝士咖哩，芝士味好濃，鹹香味十足，咖喱又唔會太辣，有啲椰奶嘅香味，一流🥰Naan食佐芝士味，入面真係有流心嘅芝士，另外都食咗佢哋嘅印度黃米飯，口感軟糯，撈咖喱食岩岩好😚佢哋嘅飲品亦都好好飲，芒果乳酪好香濃，一定要試！