捌加廿陸天婦羅居酒屋

营业中

休息中

呢間餐廳嘅裝修令人印象深刻！充滿日本特色，天花板掛滿日本燈籠，好有日本風情。唔單止係裝潢，服務員都好用心，枱面餐具齊全，醬料應有盡有，環境氣氛好放鬆，令人感覺彷彿置身於遠在日本嘅小餐廳中。Menu有好多款唔同嘅天婦羅可以嗌。我揀咗黑虎蝦、穴子、鰻魚、流心蛋，配凍蕎麥麵。賣相真係吸引，食物新鮮又唔油膩。我最鍾意佢哋嘅黑虎蝦同帆立貝，炸得香脆，保留住食材嘅原味，令人回味無窮。穴子同鰻魚都好出色，鰻魚肉質鮮嫩，令人驚艷。至於流心蛋，打開一口，金黃色嘅蛋液慢慢流出，鮮味十足，令人驚喜！而甜品方面，佢哋嘅炸菠蘿雪糕真係別具一格，菠蘿炸得香脆，配埋冰涼嘅雪糕，甜酸交融，口感豐富。食完超滿足~值得一提係電視機播緊掘與宮村，掛住睇都唔記得食🤣