The Francesco (已結業)

大角咀出名多好嘢食，原來隱藏咗間義大利餐廳，雖然地方比較偏僻，但估唔到平日晚上都幾乎滿座。食物款式眾多，薄餅、意粉飯、肉類、小食、甜品、飲料，價錢合理，試試無妨。Rack of Lamb 香煎牛肋排好大一份，適合多人分享。帶淡淡羊香氣，唔鍾意食羊嘅應該都接受得到。肉質嫩，帶點咬口，調味適中，下面放滿粗身薯條，薯味突出，記得要趁熱食。Smoked Duck Breast Pizza有驚喜，唔講唔知以為食緊片皮鴨，海鮮醬調味好有北京feel，煙鴨胸肥瘦適中，餅皮偏硬，帶麥香氣，呢個價錢嚟講都算係幾抵食～ Calamari in Ink Sauce Risotto，比較少見意大利飯上面仲會有小食！飯粒分明，偏硬身但容易入口，墨魚汁多，沾滿成個飯，魷魚鬚炸至脆身，皮夠薄，咬落爽口彈牙，性價比高。