影片
更多
2021-10-09
129 浏览
真心推薦呢間小店俾大家。佢雖然係旺角，但係一定冇乜人知，因為平時會俾女人街啲檔口擋住🤣如果唔係朋友極力推介，我肯定路過都唔會留意到。舖頭唔算大，不過坐得都幾舒服，而且選擇勁多，又唔貴，好適合三五知己一路食串燒一路飲啤酒，正👍🏻黑毛豬肋串，$26太多必點嘅嘢要介紹，呢款豬肋串居然好味過安格斯牛肋串，所以我要將佢擺第一位。除咗嫩滑嘅口感好正之外，調味都好重要，呢款串燒真心要試😍安格斯牛肋串，$24牛肋串都好足料，大大串，啖啖肉，牛味都幾重，而且有嚼勁，抵。雞胸軟骨(2串)，$28呢個軟骨大大舊，燒到脆脆地，呢款醬汁有啲似照燒雞扒嘅汁，所以甜甜地，勁好味。雞腎串，$16平時好少食雞腎，開頭見佢咁大舊，都幾抗拒，點知一試先知，咁好味嘅🤣芝士煙肉珍寶菇，$32呢份菇真係落足料，大大隻菇上面加咗好多煙肉，之後上面鋪滿厚厚嘅芝士，一啖咬落去，食到菇嘅鮮嫩多汁、煙肉嘅咸香，同埋香濃嘅芝士，真係勁正😋諗諗吓又想再去食過🤣燒鱈魚乾，$40原本以為係魚乾嘅口感，原來唔係㗎，脆到不得了，一食就停唔到口，正。芝士豆腐，$16估唔到芝士豆腐燒出嚟咁好味，入面嘅芝士雖然唔係好多，不過好香好好味。台灣腸(2條)，$1
真心推薦呢間小店俾大家。佢雖然係旺角，但係一定冇乜人知，因為平時會俾女人街啲檔口擋住🤣如果唔係朋友極力推介，我肯定路過都唔會留意到。
舖頭唔算大，不過坐得都幾舒服，而且選擇勁多，又唔貴，好適合三五知己一路食串燒一路飲啤酒，正👍🏻
黑毛豬肋串，$26
太多必點嘅嘢要介紹，呢款豬肋串居然好味過安格斯牛肋串，所以我要將佢擺第一位。除咗嫩滑嘅口感好正之外，調味都好重要，呢款串燒真心要試😍
安格斯牛肋串，$24
牛肋串都好足料，大大串，啖啖肉，牛味都幾重，而且有嚼勁，抵。
雞胸軟骨(2串)，$28
呢個軟骨大大舊，燒到脆脆地，呢款醬汁有啲似照燒雞扒嘅汁，所以甜甜地，勁好味。
雞腎串，$16
平時好少食雞腎，開頭見佢咁大舊，都幾抗拒，點知一試先知，咁好味嘅🤣
芝士煙肉珍寶菇，$32
呢份菇真係落足料，大大隻菇上面加咗好多煙肉，之後上面鋪滿厚厚嘅芝士，一啖咬落去，食到菇嘅鮮嫩多汁、煙肉嘅咸香，同埋香濃嘅芝士，真係勁正😋諗諗吓又想再去食過🤣
燒鱈魚乾，$40
原本以為係魚乾嘅口感，原來唔係㗎，脆到不得了，一食就停唔到口，正。
芝士豆腐，$16
估唔到芝士豆腐燒出嚟咁好味，入面嘅芝士雖然唔係好多，不過好香好好味。
台灣腸(2條)，$18
平時好鍾意食台灣腸，呢度18蚊有2條，真係抵到爛，點可以唔食。
燒日本芝士年糕，$12
呢個年糕我好鍾意呀，好煙韌，燒嚟食真係好好味。
芝士雞肉簿餅，$40
估唔到串燒店有呢樣嘢，我見仲有意粉嘅，不過驚太飽就叫個餅食，都好唔錯，好多芝士，正呀。
燒菠蘿，$14
燒菠蘿都係我食串燒必叫嘅嘢，佢成條燒，之後切開一舊舊，食完咁多咸野，食幾塊菠蘿，正。
太多嘢想推介，寫唔晒🤣總之我哋叫嘅嘢都好好味
张贴
