入邊啲姐姐好似打仗咁，腎上腺極高，好繃緊，但令到啲座位去得好快，好快就可以入座。
食物種類選擇多，份量正常多，招牌瑞士汁雞翼超級入味，必食！其餘餐水準都不錯，可以分幾次輪流試食。
// 瑞士雞全翼撈公仔麵
瑞士汁雞真係招牌，見到佢嘅顏色，就知道啲雞全部都浸得好耐、超級入味。味道唔鹹偏甜，瑞士汁用嚟撈公仔麵真係好好食。
啲公仔麵煮得剛剛好，唔會太淋、滰得乾身，完全俾你用原汁原味嘅瑞士汁去撈公仔麵，呢點超加分。
加上仲有丹麥多士同埋炒得好靚嘅炒蛋、火腿，食完超圓滿。
1
1
// 碎蛋牛角包
牛角包嘅賣相可能會勉強，但係食落都係好鬆化，有空氣感。合格啦！
碎蛋中冇加入沙律醬，完全原汁原味地放上牛角包，令到邪惡感減少！
1
1
