金玉滿堂

营业中

休息中

平時黎旺角有時都會係通菜街搵食，但再轉入啲都有唔少餐廳今次朋友帶我去左間隱世餐廳，行過煙廠街街市，有一間金玉滿堂，裝修比較傳統，但都令我諗起以前中式鑊氣地道小菜朋友仔推介香草芥末奇趣元貝王，奇趣就係炸米，好香口。而且其他材料都炒得好香，夠乾身。主角元貝份量好多，火侯又捉得好，必試脆皮燒雞真係脆皮，皮夠乾身，但肉仲係有水份。而且醃得夠味又有雞味仲叫左啫啫蝦干娃娃菜煲，煲好夠熱，娃娃菜好甜又帶有香氣。好耐無食到咁正既菜煲，而且蝦干又大粒同重蝦味。呢碟菜同芥末元貝王都覺得係足料又靚料，好抵食