▫️大阪燒（章魚）($88)
除左章魚，仲有蝦、帶子揀。呢到用QR code落單，大阪燒即叫即整，材料豐富有大蔥、蟹柳、粟米、木魚，章魚粒份量足又大粒，蛋漿都溝得幾好，成個大阪燒味道甜甜地，口感鬆軟幾好食。
1
▫️丸久小山園焙茶醬烤蛋糕 ($138)
都係即叫即整，餐廳製作認真所以要等一等，食好西要有耐性😌原來好大份！好足料！日式烤蛋糕比較軟熟，加上滿滿濃郁既焙茶醬真係好好食😋加埋旁邊既京都蕨餅、白玉丸子、士多啤梨、藍莓同焦糖香蕉一齊食，口感更豐富！重點係成個蛋糕都唔係好甜！
▫️芝麻豆乳 ($58)
叫一杯豆乳配蛋糕，我揀左芝麻味。要攪勻先飲，芝麻味濃郁，又唔會好甜，幾好飲！
▫️鳳梨檸檬梳打 ($38)
鳳梨味好重，帶點點檸檬酸，都幾解渴，要攪勻飲，避免糖漿沉底。
