小島料理

营业中

休息中

幫襯小島料理要有心理準備，由於小店好細，排隊時間較長，不過我覺得排隊都係值得嘅。大多數人可能會食慢煮牛丼，我之前喺其他店食過類似嘅，所以反而揀咗沖繩豬肉塔可飯，連埋前菜同湯先至 $58，勁抵食。呢個飯嘅配料主要有免治豬肉，蕃茄，洋蔥，生菜同乳酪，塔可即 Taco，著名墨西哥食物，味道主要嚟自蕃茄，洋蔥，辣椒同大量香料，可想而知係酸酸辣辣好開胃。雖然碗飯好大碗，但係醬汁堅好味，食下食下，好快就食哂成碗。叫多個甜品原味鬆餅，一塊類似銅鑼燒嘅甜餅捲住入面類似奶油雪糕嘅物體，香甜軟綿，亦夠消暑，食完係會令人開心。