大快活 (建康大廈)

营业中

休息中

去完銅鑼灣辦年貨，成街人山人海，行到脚仔軟軟，都係速速揾間大快活坐低醫肚先。每次嚟大快活，我都例必叫咖喱，因為呢度啲咖喱的確整得唔錯，香辣惹味，好好送飯。今晚揀咗阿活咖喱牛腩飯(HK$50)，賣相ok，保持一贯水準，牛腩炆得夠腍夠入味，加埋吸晒咖喱汁嘅薯仔，白飯迅即被秒殺。同行友人揀咗胡椒雜菌魚煲(HK$52)，熱辣辣上枱，賣相不俗，两件魚塊外皮煎得帶點香脆，惜胡椒味不足，雜菌亦唔多見，味道稍為遜色，有待改善。