天ぷらまきの

营业中

休息中

本人都幾鍾意食天婦羅，成日去試吓啲餐廳。其實炸嘢食，要求油温、時間、處理食材，一氣呵成，唔係一件簡單嘅事，炸出嚟熱辣辣，入面仲濕潤，入口唔油膩先叫好。呢間關西天婦羅天ぷらまきの香港有三間分店，出品都唔錯。今次食期間限定沖繩阿古豬漢堡日本蛋天婦羅丼配雜錦夭婦羅定食，沖繩阿古豬漢堡非常Juicy，加上工夫滿分嘅日本蛋天婦羅，蛋汁撈飯正。仲有雜菜天婦羅，最欣賞係個茄子，非常juicy。 另外個炙燒三文魚·天婦羅御饍，有火炙三文魚刺身，大蝦天婦羅、雞肉天婦羅等，非常豐富。最後仲食咗個好出色嘅甜品，紅春香蕃薯天婦羅配焙茶雪糕，番薯天婦羅熱辣辣配凍冰冰嘅雪糕，焙茶香又夾蕃薯甜，正。