夏麵館 (荷里活廣場)

营业中

休息中

臨近放工時間又有口福，同事派手信，食完一輪之後又有同事請食月餅，食到飽飽哋，咁食法今晚嗰餐只好清淡啲😅揾食嗰陣見到夏麵館啲嘢都好似幾啱食，清清哋叫咗個唐芹水餃麵，加多個小籠包😜水餃麵用個大大的瓦碗裝住，好有中國風味。4隻餃子，咬開好清香芹菜味，肉質鮮甜，皮唔厚，麵好煙靭，飲啖湯都好有肉汁味。唔知小籠包有無啲咩正宗食法，不過我就鍾意將少少醋由頂上面個窿加入去，之後一啖食晒😋啲肉汁流晒出嚟，既鮮甜又帶點醋的酸味，好夾呀。呢度啲茶只有一種，係烏龍茶，幾清香㗎。