芽莊越式料理

营业中

休息中

好久沒有到Popcorn午膳，到步才發現原本想食既泰式餐廳無左，唯有轉場去食同樣可以食酸辣開胃野既芽莊。我地點左炭燒豬扒撈檬，順化牛肉湯粉同越式炸春卷。炭燒豬扒，外層燒得香口，肉質鬆軟，上菜前將豬扒剪開一大半，當食個時，就輕而易舉咁將豬扒咬開。順化牛肉湯粉和生牛肉湯粉的分別在於牛肉部位，順化用的是牛，牛炆得夠腍，湯頭濃郁，放青辣椒入湯裡，辣味會慢慢散發出來，辣得黎很滋味。越式春捲很細一件，但都幾油，所以店員建議用生菜，九層塔及青瓜食用，減卻油膩感覺，不過我覺得春捲內已經包左蔬菜，點魚露好食d, 酸酸既汁令香脆既春捲味道更上一層樓。整體食味不錯，唯小食價錢偏高，3條春捲仔索價60元有點不值，下次黎叫都係叫湯粉等主食比較化算。