Three on Canton

同老公都係生蠔迷，是晚供應法國生蠔，偏鹹但十分新鮮，最好是無人排隊，次次一去便拎到。似乎d客喜歡凍龍蝦多點，不過我地食過又唔覺得太鮮甜，食了一隻半隻便算。好得意，是晚算滿座，但熱門出品位置都會出現排隊情況。鵝肝係即場煎，好香，我本身不吃內臟，老公就頗滿意。另有和牛，牛排等也不錯，有次切開，我嫌生生地，廚師即時幫我煎幾下，很貼心，抵讚! 刺食我地無乜點食，天婦羅得很少供應。麵檔飽肚嘢無食，蛋糕甜品賣相不錯，拿破崙十分好吃。我openrice訂座時列明生日，侍應見我吃到咁上下，奉上心太軟伴雪糕，係開心嘅😊。現場有紅白酒可自選，我地點了兩支白酒，每支$188，no free flow。整體服務專業有質素，疫情下，更見有專責監察員，不錯! 如能即場提供口罩袋會更方便，因每次出去取食物要戴上口罩。依家太多假食評，相又靚，又講到天花龍鳳，希望呢個真實食評幫到大家。75折食，我覺得值，如胃口大 ，更值🤣🤣