牛角日本燒肉專門店 (海運大廈)

营业中

休息中

話咁快又到老公牛一啦~ 不過今日我請唔到假陪佢！唯有收工同佢去食飯！佢個人都好鍾意食牛燒肉！所以選擇咗一間高擋的燒肉店食生日飯！當晚訂了晚七時半準時入座！一入座環境非常好， 裝修好日本feel ！叫咗個不知名的牛舌，牛舌稍為薄身！燒幾下就食得，好爽口同彈牙！澳洲和牛西冷，睇相都已經好正！油脂分佈均勻！講算高級同埋幾靚！入口即溶嘅感覺！口感嫩淡淡牛脂香味！店長推薦所以加份和牛牛舌！較厚身切成長條型，所以亦方便易吃！而且肉質較為爽，肉感香口！相比之下勝之前不知名牛舌，肉質比前者更為嫩，味道Juicy！牛胸腹肉及牛肋肉肉味比較重⋯⋯而肉質相對澳洲和牛來説無咁稔！我地叫左一份海鮮大阪燒！材料都好足！個汁酸酸地甜甜地，口感很豐富！店長好好招待, 慢慢教我地方法點燒！另外店員都會主動黎睇下我地要唔要幫手！同埋抽風系統幾好！食完出黎件衣服都唔會好大煙味！老公今天生日快樂！另外可以自己燒表演本小姐廚藝！過程很開心，十分過癮！！！