李公館

营业中

休息中

放左幾日假，返工派完利是睇完電郵都係時候放工趕下場--唔知第幾餐既開年飯。新年流流食中菜係必然選擇，由於港島返工而且怕嘈，所以又黎到李公飯。雖然係年初四，但人唔算多，可能大家仲係假期mode，而我地亦樂得清靜。無黎一排，原來多左唔少有新菜色，而招牌菜水準亦一如既往。招牌菜：冰鎮咕嚕肉 外脆內軟（暖）。個人覺得皮脆而凍，肉暖而軟時係最好食！全凍後雖爽口，但肉香稍減。新試：脆薯牛柳粒雖用黑椒，但好香蜜糖。薯仔夠脆，比之前食過既玉桂牛柳更正，送酒一流。不過老婆就覺得油左d。海鮮：豉汁粉絲帶子 呢個真係喜出望外，自問都不時食海鮮、刺身，但呢隻帶子既size比平時食開既3s大足三分一，真係非一般食肆可比。豉汁唔錯，火喉亦剛好。蟹粉窩巴新menu多左唔少炸野，最終選了蟹粉窩巴。蟹粉足料，兼有大大舊蟹肉，加埋蛋白配搭唔錯，值得一試。 菜：蕃茄湯浸時蔬對於食肉獸既我而言，都係菜一碟，中規中矩。老婆就話好味。由於有朋友生日，食得蛋糕，兩杯落肚，個胃都無空間食甜品。 不過總括黎講，係灣仔呢個價錢有咁既環境同食物質素，真係物有所值。即使附近都有幾間唔錯既中式食肆，但佢地菜色就傳統d，想