• 新 沙 洞 澡 堂 •
🐿
近日人氣韓式打卡𝙲𝚊𝚏𝚎以韓式澡堂裝潢引起話題
吸引咗唔少人喺澡堂內打卡 場內仲有花灑裝飾添
打得卡嘅餐廳 最怕就係好睇唔好食 ʕ•ᴥ•ʔ
好彩最後味道比預期中好呢 而且餐牌選擇都唔少
除咗基本韓國菜 仲有特色韓式牛角酥窩夫 好吸引
-
🎡新沙洞𝙷𝚒𝚐𝚑 𝚃𝚎𝚊 𝚂𝚎𝚝 （2人用）💰$328
下午茶一共有8款鹹甜點 另包兩杯飲品
鹹點有煙三文魚碎批、碎蛋沙律批
甜品有馬卡龍、牛窩夫、朱古力香蕉撻、
士多啤梨撻、抹茶紅豆撻、芒果牛奶布甸
牛窩夫配有兩款醬料 提拉米蘇味及奶醬多味
奶醬多醬料超邪惡 有極香花生醬同煉奶味道
整體嚟講 味道不俗 而且唔會超級甜
-
🍑藍柑橘白桃梳打特飲 𝚂𝙴𝚃
夢幻般顏色配搭 深藍色配深紫 星空嘅感覺
味道偏向白桃味 梳打清新解膩
-
☕️維也納忌廉咖啡 𝚂𝙴𝚃 + 💰$15
咖啡口感順滑 重奶味 亦不減咖啡香
味道感覺較一般咖啡輕盈 不太有苦澀味
-
🍗雪花芝士炸雞 (半份) 💰$88
一共有5件唔同部位嘅炸雞 口感有驚喜
外皮好脆 而且雞肉嫩滑 仲鎖住啲肉汁添
始終芝士粉份量唔係好多 所以有時只食到原味
不過唔影響我對佢嘅評價 真係好脆口
-
🍟炸韓國午餐肉條 💰$58
味道好得意 第一次見到午餐肉都可以做炸條
有一秒覺得 有少少似狗仔零食 可以貪得意一試
-
🥐提拉米蘇韓式牛角酥窩夫 💰$58
呢度嘅提拉米蘇偏向朱古力味、忌廉味多少少
咖啡味同酒味就偏淡 上層嘅手指餅蛋糕都濕潤軟熟
但我掛住影相 搞到上層提拉米蘇cream放得太耐
令到下層牛角酥窩夫有少少淋 所以大家一定要趁熱食
-
整體嚟講 都係一間食物質素唔錯嘅打卡餐廳
而且環境靚靚 坐得又舒服 可以約埋班姊妹去打卡啦
-
📍 長沙灣福榮街506-510號榮發閣地下A1號舖
-
#caloriefoodie
