賓墟餐廳

营业中

休息中

雖然好耐冇食茶記, 但係經過賓墟好靚嘅霓紅燈吸引咗就走咗入去試下.🍛美極彩塘牛柳粒打開餐牌都係乜都有. 花多眼亂揀好耐. 最後覺得食個小炒. 跟住發覺自己冇揀錯, 個牛好夠鍋氣又夠嫩. 調味都恰到好處. 撈飯一流!🍝茄醬海鮮炒意粉雖然不嬲都知茶記大件夾抵食, 但係呢個意粉真係足料, 有蝦, 青口, 魷魚etc, 仲要好新鮮. 而且意粉麵質都適用, 唔會過硬或過軟, 顛覆我對茶記嘅刻板印象.🍸斑蘭玉露特飲 + 芒果鳳仙特飲兩杯嘢各有特色. 個人比較鍾意班蘭玉露, 少少香甜又好似食緊蛋糕咁, 好特別.