潮林園滷味大王

营业中

休息中

前日放工, 約左好耐冇見既朋友出黎食飯。我哋今次去左銅鑼灣一間主打潮州菜既餐廳食飯。我哋入去坐底， 老闆娘俾左兩碗西洋菜湯，飲落好清又鮮甜。我哋叫左幾款食物，潮式拼盤有鵝肝，豬耳和豆腐，鵝肝入口軟滑，豬耳爽脆。蠔仔粥，入面有好多蠔，蠔仔新鮮食落完全無腥味，湯底有肉碎、蔥、芫茜等配料, 味道鮮甜。潮式春菜，入面還有燒肉，味道食落似芥菜，沒有苦澀味，湯汁甘甜。滷味鵝片飯，鵝片肉質軟滑，充滿油香，滷水好入味，配上豆腐和酸菜伴碟，十分開胃。