Green Waffle Diner (希慎廣場)

营业中

休息中

之前同事推介過，話如果想係銅鑼灣想食西餐，想平靚正，又有甜品送，話可以去希慎廣場間13樓間窩夫餐廳。今日終於有幸咁岩係附近，所以Lunch上左去食，入到去，個裝修好新，而又真係如同事所言，個Lunch Set都係百零蚊，但係竟然送窩夫，出面食個窩夫，都講緊幾十蚊，仲要包餐湯或沙律，另外有個main Course，仲可以揀飲品，咁個餐又真係幾抵。坐落黎，個侍應仲話過濾咖啡係可以無限免費添飲。望一望個menu，原來係 Christmas special 限定，另外仲有keto同發酵菜式可以叫。我地兩個人就叫左兩個Lunch Set，一個係軟殼蟹紫蘇忌廉意大利飯，一個係六安士紐西蘭草飼肉眼配薯蓉。兩個main course份量都幾多，軟殼蟹咬落香脆，同個意大利飯岀奇地夾。另外，紐西蘭肉好嫩滑，配埋個自家醬汁，好味。最後，個班蘭窩夫，好鬆脆，班蘭味同窩夫異常地夾，甜度岩岩好。