Sick Burger (希雲街)

銅鑼灣｜最紅大廚冠軍漢堡包店🫡

👉🏻 建議早少少去食！我哋7點到已經要排隊，足足等咗半個鐘先入座。Sick Burger人氣極高，主理人Chef Lai曾係《最紅大廚》冠軍，亦有米芝蓮餐廳經驗，難怪咁吸引。店內環境走香港x美式復古風，主打特色漢堡、奶昔同小食～

牛肉漢堡咬落肉味都OK，配埋半熟蛋、蕃茄、洋蔥、煙肉等配料，層次豐富。蛋香同煙肉鹹香突出，包身微微烘脆 但講真唔算想像中咁好食

金沙黃紫菜薯條 🍟炸得香脆，表面均勻裹上鹹蛋黃醬，好邪惡👿鹹香得嚟唔會掩蓋薯條本身嘅薯味，份量亦唔少

香芋維他奶昔都幾驚喜以香芋為主調，味道濃郁，仲加入香芋奶凍同芋圓，口感層次豐富。面頭加埋焦糖脆脆同香芋忌廉，飲落順滑唔膩。

最後食嘅開心果多士絕對係MVP 、推薦大家去試吓！上面可以選擇唔同味道嘅雪糕、今次揀咗雲呢拿雪糕🍧 西多士灑上炒過嘅焦糖開心果粒、有適當的奶香和牛油香味，口感一流～入面包住麻糬同埋濃郁開心果醬幾好食😭😭😭 $68嚟講都幾抵食