地點：銅鑼灣Fashion Walk食街
菜式：主打海鮮同牛扒
餐牌：除左海鮮同牛扒，餐牌都有肉類，麵包，湯，小吃，沙律，漢堡，意粉，飯，配菜，甜品。
烤雞肉牛油果藜麥沙律碗 $130 另加一
烤雞肉牛油果藜麥沙律碗材料豐富，有5條烤雞胸肉，滑溜牛油果半個，烚雞蛋半隻，車厘茄配鹹香煙韌Feta芝士粒，加上爽脆青瓜粒，下底係新鮮沙律雜菜底，加上藜麥。個汁酸酸甜甜又夠滑，味道微微辣，口感豐富，健康又好味。
香蒜橄欖油浸墨魚片 $135 另加一
呢道香蒜橄欖油浸墨魚片小食好特別，墨魚片份量唔少，切得薄片，食落爽口滑溜，好正既口感！浸落唔少橄欖油，面頭好多蒜片，炸得好脆口，好香口，仲有少少炸昆布。
1
西班牙黑毛豬風腿卷 $130 另加一
西班牙黑毛豬風腿卷一客四粒，炸得外皮酥脆，面頭加上一片鹹香煙韌西班牙黑毛豬風腿，入面個餡好滑溜，味道係好香既忌廉肉醬味，伴無花果一齊食用可解膩。
烤阿根廷牛薄裙肉配布拉達芝士及阿根廷青醬 $340 另加一
烤阿根廷牛薄裙肉一客8件，唔會太薄，好有口感。燒得外脆入面半生熟，食落嫩口多汁有牛味，面頭加上阿根廷青醬，調味特別，唔會太辣。配有少見既蔥十幾條，好有菜味！個幼滑布拉達芝士凍冰冰，面頭灑上少少香草調味，可平衡油膩感。
今餐食物質素唔錯，餐廳環境舒服，裝修座位都不俗。
