影片
更多
2025-02-04
505 浏览
大家記得我介紹過嘅JIKKA燒雞嗎？前排知道佢係銅鑼灣開左分店，對我黎講方便好多，之前有講過食完隻雞即刻想約食飯搞番局，不過佢分店大部分係東區，對我來講相對無咁方便所以未有搞局，但由於好掛住隻燒雞，即刻約朋友係銅鑼灣食一次先。提番大家，佢係由一對有要求又叻整野食嘅夫妻檔開嘅西餐。其中一位之前係其中一間連鎖戲院小食部整左幾個勁出名的小食，而當然佢哋嘅技巧全部都去左佢哋嘅呢間JIKKA燒雞入面。四個人食自然食到多啲，今次試到兩隻雞，其中想食嘅係香草牛油蘋果香檸燒雞，呢隻雞腔入面填滿唔同嘅生果，蘋果檸檬，雞肉咬落去充滿水果嘅肉汁，對比起剩燒雞多左層唔同嘅味道，我覺得要雞首先大推呢隻。銅鑼灣分店先有嘅茜霸皇芫荽香茅青檸燒雞，愛茜同芫荽嘅一定會點，不過相對愛茜味嘅人如我可能會覺得唔夠，唔知店方會唔會調校一下味道給重口味人士。如果你記得魔鬼之柱我上次都講過，係佢哋得意之作，把雞皮的脂肪全部整理後剩下薄薄雞皮，再包住午餐肉，炸到又香又脆，同上次一樣精彩。上次食唔到黃金甲，今次多人就可以食埋魔鬼之柱，無左餐肉後嘅雞皮更加出色，只有炸薄薄雞皮獨舞嘅震撼。熱狗又係店家出色之作，斑點狗熱狗用上煙肉粒、馬蘇里
大家記得我介紹過嘅JIKKA燒雞嗎？前排知道佢係銅鑼灣開左分店，對我黎講方便好多，之前有講過食完隻雞即刻想約食飯搞番局，不過佢分店大部分係東區，對我來講相對無咁方便所以未有搞局，但由於好掛住隻燒雞，即刻約朋友係銅鑼灣食一次先。
提番大家，佢係由一對有要求又叻整野食嘅夫妻檔開嘅西餐。其中一位之前係其中一間連鎖戲院小食部整左幾個勁出名的小食，而當然佢哋嘅技巧全部都去左佢哋嘅呢間JIKKA燒雞入面。
四個人食自然食到多啲，今次試到兩隻雞，其中想食嘅係香草牛油蘋果香檸燒雞，呢隻雞腔入面填滿唔同嘅生果，蘋果檸檬，雞肉咬落去充滿水果嘅肉汁，對比起剩燒雞多左層唔同嘅味道，我覺得要雞首先大推呢隻。
銅鑼灣分店先有嘅茜霸皇芫荽香茅青檸燒雞，愛茜同芫荽嘅一定會點，不過相對愛茜味嘅人如我可能會覺得唔夠，唔知店方會唔會調校一下味道給重口味人士。
如果你記得魔鬼之柱我上次都講過，係佢哋得意之作，把雞皮的脂肪全部整理後剩下薄薄雞皮，再包住午餐肉，炸到又香又脆，同上次一樣精彩。
上次食唔到黃金甲，今次多人就可以食埋魔鬼之柱，無左餐肉後嘅雞皮更加出色，只有炸薄薄雞皮獨舞嘅震撼。
熱狗又係店家出色之作，斑點狗熱狗用上煙肉粒、馬蘇里拉芝士、黑松露蛋黃醬，對比上次食嘅typical 多幾層口感，呢到嘅熱狗絕對比起另外一個連鎖店齊柏林好食好多，絕對維持水準。
見到呢度有幾個海鮮菜式好開心，因為舊舖冇咁多選擇，不過可惜佢嘅海鮮拼盤原來要預訂，想食嘅客人記得訂位前要留意。結果點了蒜蓉牛油煎日本刺身級帶子，仲有藍青口配蒜蓉包。前者掌握得十分之好，後者蒜蓉包同sauce都唔錯，但係藍青口好似整得平凡，如果時間掌握再好啲，配汁同麵包更加美味。
尾聲點了香蒜橄欖油意粉，加煎蛋的蛋汁，呢個做得好好，同上次一樣encore了好正的意式香草蕃茄醬比目魚柳意粉，今次都做得好好。
不過可能新鋪，驚喜感沒有上次鰂魚涌咁強，既然新店喺銅鑼灣咁近，我希望可以快啲再嚟多一次，試哂佢唔同Menu嘅食物。
张贴
