影片
更多
2025-02-26
373 浏览
假日想搵個地方chill吓食個飯，喺銅鑼灣嘅邊皮位搵到呢間西餐廳，俾佢colourful嘅門面吸引咗入去。餐廳主打係食燒雞，菜式都非常有特色。梨子漿果大蝦沙律 $148先叫咗份沙律，除咗有爽彈大蝦，仲有梨、藍莓等嘅水果，沙律菜新鮮爽脆，水果鮮甜，加少少橄欖油一齊食味道就更加香，清新得嚟又健康。香草牛油蘋果香檸燒雞 $308主角嘅燒雞我哋叫咗蘋果香檸味，師傅將蘋果同檸檬塞喺雞入面成隻拎去燒，上枱嘅時候已經聞到香噴噴勁吸引，一切開就見到雞入面塞滿配料，肉質仲不停咁流出嚟。雞肉連雞胸都非常腍嫩，雞髀就更加嫩滑。兩個人開心share就啱晒。蒜蓉白酒藍青口(500g) $198另外仲叫咗份細嘅藍青口，雖然係細size但份量都唔少，個白酒忌廉汁好香，青口肉好鮮甜。超甜蕃薯條 $68用甜薯做嘅薯條，食落真係超甜。。。JIKKA燒雞 (銅鑼灣)銅鑼灣希慎道2-4號蟾宮大廈地下8號舖。。
梨子漿果大蝦沙律 $148
先叫咗份沙律，除咗有爽彈大蝦，仲有梨、藍莓等嘅水果，沙律菜新鮮爽脆，水果鮮甜，加少少橄欖油一齊食味道就更加香，清新得嚟又健康。
香草牛油蘋果香檸燒雞 $308
主角嘅燒雞我哋叫咗蘋果香檸味，師傅將蘋果同檸檬塞喺雞入面成隻拎去燒，上枱嘅時候已經聞到香噴噴勁吸引，一切開就見到雞入面塞滿配料，肉質仲不停咁流出嚟。
雞肉連雞胸都非常腍嫩，雞髀就更加嫩滑。兩個人開心share就啱晒。
蒜蓉白酒藍青口(500g) $198
另外仲叫咗份細嘅藍青口，雖然係細size但份量都唔少，個白酒忌廉汁好香，青口肉好鮮甜。
超甜蕃薯條 $68
用甜薯做嘅薯條，食落真係超甜。
。
。
JIKKA燒雞 (銅鑼灣)
銅鑼灣希慎道2-4號蟾宮大廈地下8號舖
。
。
张贴
