影片
更多
2023-09-02
58 浏览
自從世貿中心翻新後，一直都未有時間過嚟行下。趁今日放假，即刻約埋朋友過嚟 Shopping，順便一訪這間 bookmark 咗好耐嘅昭和風洋食屋。餐廳嘅佈置幾有特色，設計風格以簡約木系傢俱為主，室內用餐位置被綠色植物包圍，氣氛舒適柔和。店門外更設有一條長長的樓梯，啱晒同朋友嚟影相打卡！餐廳主打各式和風洋食，而最近更推出咗一系列「夏日限定盛夏風物詩」美食。先嚟一客前菜，琉球族八爪魚香腸 ($39) 香腸造型幾得意，切成八爪魚模樣，食落香口又唔油膩，啱晒用嚟做餐前小食。極•炸雞親子丼 ($138) 雞件即點即炸，送上時仍熱辣辣，入口外酥內嫩，配以旁邊爽脆嘅椰菜絲沙律吃，味道微酸微甜，很醒胃。丼飯面頭鋪滿軟綿綿嘅雞肉粒，米飯選用日本米，撈埋中間嗰隻嬌豔欲滴嘅流心蛋黃同蔥花一齊食，香濃惹味！夏日祭喫茶雞肉炒麵 ($92) 麵條Q彈有嚼勁，雞肉好嫩滑，面頭鋪咗隻太陽蛋，配上濃郁帶甜嘅日式沙律醬同木魚絲，非常美味，食完一整碟也不覺膩。盛夏藍天布甸 ($45) 布甸賣相好吸引，分上下兩層，上面係波子汽水味啫喱，而下層就係牛奶味滑溜布甸，驟眼看更儼如陽光映照嘅大海，效果超夢幻。味道當然亦唔錯，
自從世貿中心翻新後，一直都未有時間過嚟行下。趁今日放假，即刻約埋朋友過嚟 Shopping，順便一訪這間 bookmark 咗好耐嘅昭和風洋食屋。
餐廳嘅佈置幾有特色，設計風格以簡約木系傢俱為主，室內用餐位置被綠色植物包圍，氣氛舒適柔和。店門外更設有一條長長的樓梯，啱晒同朋友嚟影相打卡！
餐廳主打各式和風洋食，而最近更推出咗一系列「夏日限定盛夏風物詩」美食。
先嚟一客前菜，琉球族八爪魚香腸 ($39) 香腸造型幾得意，切成八爪魚模樣，食落香口又唔油膩，啱晒用嚟做餐前小食。
極•炸雞親子丼 ($138) 雞件即點即炸，送上時仍熱辣辣，入口外酥內嫩，配以旁邊爽脆嘅椰菜絲沙律吃，味道微酸微甜，很醒胃。
丼飯面頭鋪滿軟綿綿嘅雞肉粒，米飯選用日本米，撈埋中間嗰隻嬌豔欲滴嘅流心蛋黃同蔥花一齊食，香濃惹味！
夏日祭喫茶雞肉炒麵 ($92) 麵條Q彈有嚼勁，雞肉好嫩滑，面頭鋪咗隻太陽蛋，配上濃郁帶甜嘅日式沙律醬同木魚絲，非常美味，食完一整碟也不覺膩。
盛夏藍天布甸 ($45) 布甸賣相好吸引，分上下兩層，上面係波子汽水味啫喱，而下層就係牛奶味滑溜布甸，驟眼看更儼如陽光映照嘅大海，效果超夢幻。
味道當然亦唔錯，波子汽水味嘅啫喱同牛奶布甸十分匹配，甜而不膩。
飲品點咗夏日海洋梳打 ($48) 同 焙茶麻糬沙冰 ($52)，炎炎夏日，飲杯梳打真係好爽，入口清新涼快。沙冰茶味濃郁，麻糬口感煙韌，加上打得夠幼滑，絕對係消暑佳品！
张贴
