豐信餃子店

营业中

休息中

說到太子呢間超人氣餃子店，真係放工等幾個字都要衝入去！點解咁癲？因為佢哋款款都充滿誠意又創新！金沙芝士粟米鮮肉餃，外皮煎到金黃色，脆卜卜，配埋金沙鹹蛋黃一樣無膩感，每咬一口都係「咸蛋控」天堂。薺菜馬蹄鮮肉餃，飲埋招牌椰子海帶鮮雞豬骨湯底，鮮甜滋潤，餃子又薄皮又大隻，滿滿餡料，薺菜清香、馬蹄脆脆地，配埋自家辣菜脯同辣椒醬，酸辣開胃，好有層次！食餃都唔夠喉，一定要嗌埋招牌秘汁拼盤，金錢展超有嚼勁，雞腎清爽、雞翼同滷蛋都好入味，啖啖香。最後加件香煎豆腐，啖啖豆香滑溜，微微金黃唔油膩。最後飲埋杯菊花蜜，解渴又舒爽，真係食得開心又滿足，要我再排多次隊都甘心！