影片
更多
2009-02-16
112 浏览
15-2-2009又係「工作」關係, 星期日又要食外賣, 唔想又食茶餐廳, 今次0係呢度買碗船河 ($21) 返屋企慢慢嘆.外賣的湯底分開上, 令河粉唔會浸到腍晒, 安排係不錯的, 不過滾熱的湯竟然用普通透明膠袋載住, 再用橡筋就咁紮起, i.e. 好似金魚街 d「金魚包」咁包裝 , 搞到我一路行返屋企一路好驚個袋會爆, 阿姐真係... 湯底同昌發的 (http://www.openrice.com/restaurant/commentdetail.htm?commentid=1950684) 一樣深色, 但呢個就更甘濃更鮮甜, 仲嗒到藥材味, 加埋九層塔的清香, 正! 配角就得啖笑 -- 河粉黐埋一疊, 食落又腍 bad bad 的; 豬潤硬硬粉粉又澀澀的, 唔好食; 幾條通菜食落 sok sok 聲, 不過可有可無; 肉丸就彈牙又帶點肉味, 叫做最好食; 豬肉片就最難食, 柴皮得不能接受! 不過買得船河, 都係為碗豬血湯0者, 是但啦. 原來堂食的船河有幾塊炸豬皮的? 下次試0下先.
又係「工作」關係, 星期日又要食外賣, 唔想又食茶餐廳, 今次0係呢度買碗船河 ($21) 返屋企慢慢嘆.
外賣的湯底分開上, 令河粉唔會浸到腍晒, 安排係不錯的, 不過滾熱的湯竟然用普通透明膠袋載住, 再用橡筋就咁紮起, i.e. 好似金魚街 d「金魚包」咁包裝 , 搞到我一路行返屋企一路好驚個袋會爆, 阿姐真係... 湯底同昌發的 (http://www.openrice.com/restaurant/commentdetail.htm?commentid=1950684) 一樣深色, 但呢個就更甘濃更鮮甜, 仲嗒到藥材味, 加埋九層塔的清香, 正! 配角就得啖笑 -- 河粉黐埋一疊, 食落又腍 bad bad 的; 豬潤硬硬粉粉又澀澀的, 唔好食; 幾條通菜食落 sok sok 聲, 不過可有可無; 肉丸就彈牙又帶點肉味, 叫做最好食; 豬肉片就最難食, 柴皮得不能接受! 不過買得船河, 都係為碗豬血湯0者, 是但啦.
原來堂食的船河有幾塊炸豬皮的? 下次試0下先.
张贴
