影片
更多
2017-11-01
4229 浏览
今日靚女約食晏，不過要就佢返工去金鐘。金鐘人多店少，如果想飲茶選擇唔多，要食餐安樂茶飯都真係唔容易。佢話未試過金葉庭，港麗嘅水準一向唔錯，於是就同佢去試下。由於灣仔塞車，去到遲了15分鐘，靚女肚餓，已經點了鮑魚燒賣同蒜泥白肉。個燒賣有點搵笨，鮑魚得一小片，叫做點綴下咁，美心皇宮都有全隻啦～雖然細啲。個蒜泥白肉唔係一片片上，而係一片肉包住青瓜條上，食時唔覺肥膩而且幾爽口，只係配醬油而完全無麻辣感覺，心理上總覺得辣先正。試完兩個小食點心，發覺有個套餐唔錯，每位唔使$500，而有小食、燉湯、兩小菜、一炒飯同甜品，於是叫來試下。個餐原來係逐位上的，先上金葉庭兩小碟，居然又係蒜泥白肉，不過得兩件，配炸春卷，個春卷有好香菌味，但係又只有半條。個湯係菜膽北菇燉竹笙，仲有一塊火腿壓底，料多過湯，不過都算好味，件北菇夠腍，火腿亦唔過鹹。兩個小菜一人得兩件，先來鮮百合炒班球，啖啖肉嘅魚唔覺腥，係百合碎輯輯，無筷子就比較難處理。呢一個小菜係山渣蝦球，有好濃厚的山渣汁，蝦球亦好脆口不過無咩蝦味，應該係雪藏虎蝦。個揚州炒飯炒得唔錯，飯粒分明而且料亦算足，不過無青豆就無咩回憶感覺。甜品係鮮忌廉芒果布甸，最正係重花
不過要就佢返工去金鐘。
金鐘人多店少，
如果想飲茶選擇唔多，
要食餐安樂茶飯都真係唔容易。
佢話未試過金葉庭，
港麗嘅水準一向唔錯，
於是就同佢去試下。
由於灣仔塞車，
去到遲了15分鐘，
靚女肚餓，已經點了鮑魚燒賣同蒜泥白肉。
個燒賣有點搵笨，
鮑魚得一小片，
叫做點綴下咁，
美心皇宮都有全隻啦～雖然細啲。
個蒜泥白肉唔係一片片上，
而係一片肉包住青瓜條上，
食時唔覺肥膩而且幾爽口，
只係配醬油而完全無麻辣感覺，
心理上總覺得辣先正。
試完兩個小食點心，
發覺有個套餐唔錯，
每位唔使$500，
而有小食、燉湯、
兩小菜、一炒飯同甜品，
於是叫來試下。
個餐原來係逐位上的，
先上金葉庭兩小碟，
居然又係蒜泥白肉，
不過得兩件，配炸春卷，
個春卷有好香菌味，
但係又只有半條。
個湯係菜膽北菇燉竹笙，
仲有一塊火腿壓底，
料多過湯，不過都算好味，
件北菇夠腍，火腿亦唔過鹹。
兩個小菜一人得兩件，
先來鮮百合炒班球，
啖啖肉嘅魚唔覺腥，
係百合碎輯輯，
無筷子就比較難處理。
呢一個小菜係山渣蝦球，
有好濃厚的山渣汁，
蝦球亦好脆口不過無咩蝦味，
應該係雪藏虎蝦。
個揚州炒飯炒得唔錯，
飯粒分明而且料亦算足，
不過無青豆就無咩回憶感覺。
甜品係鮮忌廉芒果布甸，
最正係重花奶~
當年我成日光顧農場餐廳，
都只因個甜品可以多加花奶。
埋單兩個人要千三蚊，
不過服務超差嘅HSBC，
終於有啲貢獻，
信用卡有八五折優惠，
一千一百幾可以落到樓。
食晏來講，貴就貴咗啲，
而且全場明顯唔夠人手做侍應...
不過有機會同靚女食，
又無咩所謂啦～
鮮百合炒班球
56 浏览
0 赞好
0 留言
山渣蝦球
60 浏览
0 赞好
0 留言
鮮忌廉芒果布甸
74 浏览
0 赞好
0 留言
张贴
