影片
更多
2023-08-27
69 浏览
星期六約咗個朋友食晚飯，先前已經book咗枱，夠鐘去到門口，個侍應話我哋有同事通知你冇左訂枱嘅九折，但係你冇接電話，咁你有冇問題？個門口侍應已經冇解釋點解明明訂枱時話有九折，但突然又話冇，仲要個態度係講到我冇接電話而通知唔到我係我問題咁嘅態度，已經有啲奇怪。入到餐廳，環境係靚嘅，係有海景，不過得幾張卡位，坐窗邊嗰個未必係你。食物方面，價錢係正常，始終係銅鑼灣，賣相要讚嘅，打卡一流，味道唔差，但真係一般水平，始終呢啲類似cafe嘅地方你唔可以對食物要求咁高。係我同朋友差唔多食完嘅時候，有個侍應拎住張單同埋部卡機走過嚟，同我哋講用餐時間已到，叫我哋俾錢同埋離開，我望一望時間，剛剛好1小時，但問題係，無論我訂枱嘅時候，入席嘅時候，都冇提及過只有1小時嘅用餐時間，當時我同朋友喺未食完嘢嘅，完全係俾人趕走嘅感覺。做生意想一晚返多幾次枱，大家都明白，但1小時會唔會太少？定係我個人誤會咗佢係Cafe所以可以坐耐啲呢？就算出面其他餐廳，有限時嘅唔緊要，出面好多餐廳都有，但人哋係會早10分鐘同你埋單，順便提一提你仲有10分鐘就要離開，咁你俾個客人有準備同埋食埋啲嘢都可以掛？總結，如果你想打卡，呢度環境同
入到餐廳，環境係靚嘅，係有海景，不過得幾張卡位，坐窗邊嗰個未必係你。食物方面，價錢係正常，始終係銅鑼灣，賣相要讚嘅，打卡一流，味道唔差，但真係一般水平，始終呢啲類似cafe嘅地方你唔可以對食物要求咁高。
係我同朋友差唔多食完嘅時候，有個侍應拎住張單同埋部卡機走過嚟，同我哋講用餐時間已到，叫我哋俾錢同埋離開，我望一望時間，剛剛好1小時，但問題係，無論我訂枱嘅時候，入席嘅時候，都冇提及過只有1小時嘅用餐時間，當時我同朋友喺未食完嘢嘅，完全係俾人趕走嘅感覺。做生意想一晚返多幾次枱，大家都明白，但1小時會唔會太少？定係我個人誤會咗佢係Cafe所以可以坐耐啲呢？就算出面其他餐廳，有限時嘅唔緊要，出面好多餐廳都有，但人哋係會早10分鐘同你埋單，順便提一提你仲有10分鐘就要離開，咁你俾個客人有準備同埋食埋啲嘢都可以掛？
總結，如果你想打卡，呢度環境同食物賣相係一流嘅。但係如果你想要服務嘅，呢度俾唔到你，呢度嘅員工都比較年輕，好多掛住玩都唔會得閒理你。就我個人而言，我只係想假期同個朋友搵個地方好好食飯傾偈，但呢一度只有一個鐘嘅時間，絕對唔係我想要嘅嘢，當然啦，呢間餐廳個名都冇Cafe字眼，可能係我自己誤會呢度係Cafe可以坐耐啲啦，我自己就唔會再嚟。
张贴