Go Dutch Cafe

营业中

休息中

最近喺網上見到呢間餐廳嘅食評推介唔錯，菜式嘅賣相都好靚。馬上約朋友一齊去試吓。餐廳嘅菜式選擇有好多，餐廳設計好特別，座位好闊落，好岩同朋友慢慢嘆美食，一邊傾計。今次我地叫左辣肉腸pizza，金沙大蝦鹹蛋意粉，仲點左阿法奇朵。辣肉腸pizza好大份，麵餅食落好煙韌，唔會太厚身，辣肉腸味道好惹味，果然係我最鍾意食嘅口味。鹹蛋黃醬汁好有驚喜，醬汁當中仲有鹹蛋碎碎，意粉都煮得軟硬適中，連大蝦都非常新鮮又大隻。人生中第一次飲阿法加朵，知道呢個飲品都係喺電視劇見到，雪糕嘅甜味中和左咖啡苦味，好新奇。