欽記粉麵

营业中

休息中

又係幾十年老字號，不過咁多年只幫襯過一兩次，事關本人由幼稚園開始就係洪記粉絲，可能因為細細個未懂食，屋企人就經常帶我去洪記。欽記既味道、用料、食材、手藝、辣椒油都跟洪記有八、九成相似，但依家全部變晒，係變差左 ~魚蛋鴛鴦加底走蔥 ~ 魚皮炸得脆口但好很咸。啲粉麵都過腍，麵發過龍又腍又無蛋香、粉就腍劈劈，湯又唔夠熱，只係溫。辣椒油唔同左，無左以前陣甜味，依家就辣左，但係又唔香。加底份量夠重，真係勁飽，唔似得其他麵檔加得幾條。魚蛋保持水準，魚味重而彈牙，好味。侍應阿姐好好笑容，好親切，但啲野食唔掂呢。只係廿蚊，勁平囉，但最緊要係好食，得個平字係無用架。