堅信號上海生煎皇 (花園街) (已結業)

我自己一個人係旺角做完facial，又見肚餓，又係孤獨食嘅時候啦，一個人我會喜歡食麵，見到堅信號有包食又有麵食，完全符合我嘅要求。好，坐低睇吓有咩好食先。呢度唔止有生煎包食，仲有其他上海菜菜式。酸辣湯水餃，水餃大大隻，有好幾隻，酸辣湯味道適中。因為我大食，所以叫多個淨上海麵，麵條都彈牙，個麵就咁食都夠味，仲可以撈酸辣湯。麻辣豬耳，夠麻夠辣，豬耳爽脆，好味！食完辣野，飲番杯豆漿係最正嘅，呢餐價錢唔貴喎，抵食！